Naangkon karon sa Davao City ang titulo isip usa sa mga pinakaluwas nga lugar sa Southeast Asia ug tibuok kalibutan.
Base sa resulta sa Numbeo Safety Index, global database sa mga user-contributed data sa nagkadaiyang lugar ug nasud sa kalibutan, alang sa 2024, ikatulo ang syudad sa Davao sa mga safest cities diin ang gibasehan mao ang crime rates, police services, ug panan-aw sa safety sa mga residente.
Kahinumduman nga sa datos sa Davao City Police Office (DCPO), miubos ang crime rate gikan sa Enero 1 hangtod Disyembre 31sa nakalabay nga tuig kung itandi sa tuig 2023.
Nakuha sa Chiang, Mai, Thailand ang top spot alang sa Southeast Asia nga dunay 77.6% safety index, gisundan sa Singapore nga dunay 77.4% safety index ug 71.6% alang sa Davao City.
Gipaniguro usab sa Davao City Police Office (DCPO) pinaagi sa spokesperson niini nga si PCapt. Hazel Caballero Tuazon, Nga dili gihapon mag pakampanti ang DCPO sa pagbantay sa seguridad sa dakbayan sa Davao luyo sa pagkab-ot sa kadaugan isip ika-3 sa pinakaluwas nga syudad sa tibuok Southeast Asia, base sa pagtuon sa Numbeo Safety Index sa tuig 2024.
