Dili lamamg saktong suholan ug dugang benepisyo ang ginaduso sa 106 TRABAHO Partylist, apan kalakip na niini ang medical alllowance alang sa mga trabahante.
Sumala ni 106 TRABAHO Partylist nominee Ninai Chavez, usa kini sa ilang mga adbokasiya aron matabangan ang mga trabahante, ilabi na sa panahon nga magkasakit.
“Kung magkasakit mo sa trabaho, dili ba dapat amo mong alagaan ug tagaan og medical allowance? Mao ni ang gusto namo sa 106 TRABAHO Partylist,” ingon ni Chavez.
Gawas sa mga mamumuo, makabenipisyo sab og medical allowance ang mga inahan ug solo parents aron matabangan ang ilang mga anak sa panahon sa panginahanglan.
Gibutyag ni Chavez nga ang tumong sa 106 TRABAHO Partylist mao ang paghatag og makatarunganong sweldo ug benepisyo aron mapagaan ang kinabuhi sa mga trabahante ug aron sila makaipon.
“Samtang kami naglibot sa Manila, usa lang ang among nadungog, gusto nila og saktong sweldo. Ngano? Para makab-ot nato ang kalidad sa maayong kinabuhi. Dili nga pag-abot sa atong sweldo, ibayad ra og bills, kuryente, tubig, pagkaon, tuition, ug uban pa, unya unsa may mahitabo? Mahurot na, wala na,” sigon ni Chavez.
Bag-ohay lamang misaka sa ika-22 nga pwesto ang 106 TRABAHO Partylist base sa survey sa Social Weather Stations kaniadtong Marso gikan sa ika-26 nga pwesto sa Pebrero gumikan sa mga adbokasiyang mapaayo ang kinabuhi sa mga trabahanteng Pilipino.
