Gibutyag sa Land Transportation Office Davao Region nga moabot gikan sa 60 hangtod 70 porsyento sa mga sakyanan sa rehiyon ang dili rehistrado sa ilang buhatan.
Base sa datos nga gibutyag ni LTO 11 Regional law Enforcement Section Head Yuri Lim, aduna silay 1,804 ka mga nasikop nga dili rehistradong sakyanan ug 134 ka mga public utility vehicle nga colorum kon gaoperar nga walay igong permit.
Dugang pa ni Lim nga kadaghanan sa mga dili rehistradong sakyanan, mao ang mga motorsiklo nga anaa sa 1,187, nga gisundan sa mga pribadong sakyanan nga anaa sa 160, mga suv nga anaa sa 144, mga tricycle nga anaa sa 118, ug mga truck nga anaa sa 101.
Hinuon, gi-klaro ni Lim nga mas ubos kini kun itandi niadtong tuig 2023, tungod na sab sa ilang nagapadayong registration campaigns ug caravans, sama sa pagsuroy sa ilang e-patrol sa mga lagyo nga barangay sa Davao Region.
.
