Andam na ang Davao City Police Office kon DCPO sa pagpatuman sa seguridad sa pagsaulog sa Chinese new year kauban ang mga Filipino Chinese community sa syudad sunod semana.
sumala ni DCPO spokesperson Police Captain Hazel Tuazon, nakatakdang magpakatag ang dcpo og 400 ka mga personahe sa DCPO apil na ang mga Auxiliary police, CSU personnel ug uban pang mga volunteer group aron magbantay sa pahigayonan sa New Year countdown celebration sa rizal park karong Martes, Enero 28, sugod alas 5:00 sa hapon.
Padayon sab ang pakig-alayon sa dcpo sa chinese community dinhi sa dakbayan bahin sa uban pang mga aktibidad nga ilang pagabuhaton atol sa kasaulogan.
Nagpahimangno usab ang Davao City Police sa mga Filipino Chinese Community sa syudad nga magpabilin gihapon ang pagbawal sa mga paboto kon ang pagpatuman sa City Ordinance 060-02 also known as the Firecracker Ban.
