Mas gipahugtan pa karon sa Davao city police office (DCPO) ang kampanya niini batok sa mga nagkahitabo nga riot nga gikalambigitan sa mga minor diidad sa syudad, subay sa ka mando ni acting city director police colonel hansel marantan.
Gibutyag karon ni PCpt Hazel Tuazon nga dunay kamanduan karo si PCol Hansel Marantan director sa Davao City Police, kinahanglan palig-onon pa ang mga police visibility sa matag Area of Responsibility kon AOR sa 19 ka mga police station aron mas paspas ang pagresponde sa mahitabong kagubot ug aron dali madakpan ang mga nalambigit sa insidente.
Kahinumduman nga nag-viral ang mga kaso sama sa pagpangulata sa usa ka call center agent sa gawas sa usa ka bpo company sa mcarthur highway, matina, ug ang pagpamunal og bato sa usa ka lalaki sa maa road. (Photo courtesy: Davao City Police Office)
