Gipasibaw karon sa Ata Manobo Tribal Council of Leaders of the Talaingod Indigenous Political ang ilang dakong kasubo ug kadismaya sa walay pagtagad sa House of Representatives sa ilang Ethics Complaint batok kang ACT-Teachers Partylist Representative France Castro.
Sumala ni Datu Malibato Allan Causing, Tribal Chieftain sa Ata Manobo nga sobra na sa usa ka bulan na human ilang gipasang-at ang ilang ethics complain aron papahawaon si Representative Castro sa iyang posisyon sa Kongreso apan wala sumala pa kini ma aksyonan.
Dugang ni Datu Causing nga ilang gi kwestyon nganung anaa pa sa kongreso si Representative Castro tungod konbiktado na kini sa korte may kalambigitan sa pagpangabuso sa kabataang lumad sa Davao Del Norte.
Gibutyag niini nga ilang gihagit ang House of Representative nga mahatagan sa pagtagad ang mulo sa mga lumad alang sa gitinguha niini nga hustisya kalabot sa gidangatan sa ilang mga anak.
