Planong ipaubos na ngadto sa Public-Private Partnership kon PPP ang rehabilitasyon sa Davao International Airport kon DIA, nga dunay gibanabanaang galastuhon nga 12.9 Billion Pesos.
Lakip ang DIA sa 15 ka mga bag-ong proyekto nga gidugang sa nasudnong panggamhanan ngadto sa PPP.
Tumong sa rehabilitasyon nga mapalig-on pa ang mga pasilidad sa tugpahanan, ingon man nga mapalapdan pa ang kapasidad, pagpakusog sa torismo ug mapaayo ang kasinatian sa mga biyahero.
sa higayong matapos ang rehabilitasyon sa Davao International Airport, ginalauman kining makapakusog pa sa connectivity ug masuportahan sab ang padayong paglambo sa ekonomiya sa Davao Region.
