Photo Courtesy: 901st IB
Patay ang leader sa Communist Party of the Philippines -New People’s Army (CPP-NPA) atol sa nahitabong engkwentro tali 30th Infantry Battalion ilawom sa 901st Infantry Brigade, Kagahapong adlawa Pebrero 12, 2025 sa Sitio Imelda, Brgy. Pianing, Agusan del Norte.
Base sa report sa 901st IB giila ang maong leader nga namatay mao si Myrna Sularte, alyas “ka-Maria Malaya” kinsa Secretarya sa Communist Terrorist Groups’ (CTGs’) ug ang asawa ni Jorge alyas “Ka-Oris” Madlos, nga usa sab ka iladong leader sa NPA kinsa napatay niadtong Oktubre 2021 sa engkwentro batok sa awtoridad sa Bukidnon.
Sumala pa ni Brigadier General Arsenio Sadural, Commander, 901st Brigade Phil Army gilantaw niini ang maong kalampusan isip sa pag pamatuod sa paghatag og hustisya alang sa dili maihap nga mga biktimang sa pagpangabuso ug kadaot sa grupong NPA labi na sa mga area Mindanao.
