Gipasundayag ni konsehal Myrna Dalodo-Ortiz nga pito ka tuig nang walay utang ang dakbayan sa Davao, nga nagpakusog sab sa pinansyal nga estado niini.
Sumala ni Dalodo-Ortiz, tungod walay ginabayran nang utang ang dakbayan, matutokan na sab sa lokal nga panggamhanan ang paggahin og pondo ngadto sa uban pang mga prayoridad.
Dugang sa konsehal, nakatampo sab kini sa padayong pag-usbaw sa kinatibuk-ang kita sa dakbayan matag tuig.
Gani, ginalauman sa City Treasurer’s Office nga malabwan niini ang revenue projections karong tuiga.
Sa laing bahin, bag-ohay lamang nga gi-aprubahan sa konseho ang 14.3 Billion pesos nga budget sa lokal nga panggamhanan alang sa tuig 2025.
