Mas pahugtan pa ang seguridad nga ipatuman sa Davao City Police Office (DCPO) alang sa pagbantay sa National Peace and Rally sa Iglesia ni Cristo dinhi sa dakbayan diin lauman nga kapin 300,000-500,000 ka miyembro sa INC ang mutambong karong sa Lunes Enero 13, 2025.
Gibutyag karon Police Captain Hazel Caballero, tigpamaba sa DCPO nga plastado na ang security plan nga ipatuman ug gawas sa mga personahe sa DCPO, mutabang sab ang ubang security augmentation unit, lakip na ang dungang augmentation gikan sa PRO-XI aron masiguro ang luwas nga aktibidad.
Gidugang sa opisyal, nga magpatuman sab og soft deployment ang DCPO alang sa pagbantay sa mga kalsada diin ilusad ang rally.
Samtang sa kabahin sa City Transport and Traffic Management Office kon (CTTMO) magpatuman usab sila og road closures sa Enero 13, 2025, gikan alas 8:00 sa buntag hangtod alas 8:00 sa gabii.
Kini mao ang mga dalan ang pagasirad-an:
✅️San Pedro
✅️C.M. Recto
✅️Pelayo
✅️Inigo
✅️C. Bangoy
✅️Rizal
✅️Bonifacio
✅️Palma Gil
✅️Bolton
✅️City Hall Drive
✅️C. Bangoy
Partially closed sab ang Davao City Coastal Bypass Road gikan sa Tulip Drive to Bago Aplaya sa susamang adlaw.
