Gi-awhag karon sa City Agriculturist’s office ang mga dabawenyong mag-uuma nga mokuha o magpa-renew sa ilang crop insurance aron makunhoran ang epekto sa kawad-on sa kita atol sa mga katalagman sama sa pag-ulan ug pagbaha.
Kwalipikado alang sa crop insurance ang mga nanag-iya og gikan kaupaton sa ektarya sa yuta o 25 ka punoan.
Sumala pa ni Bing Amador Agriculturist IIFocal Person sa City Agriculturist Office kinahanglan usa silang magrehistro sa registry system for basic sectors in agriculture kon rsbsa o mag-update dinhi kun duna silay mga bag-ong tanum.
Dugang pa sa City Agriculture Office nga mamahimo kining iproseso sa City Agriculturist’s office kon CARGO o di kaha sa philippine crop insurance corporation regional office 11.
Samtang ang mga high-value crop sama sa kape, cacao, ug mangga, ang mamahimong kuhaan og tinuig nga insurance, samtang kinahanglang duna nay insurance sulod na napulo ka adlaw sukad gitanum ang mga short-term crop sama sa humay ug mais.
Ubos sa programa, adunay kutob 20,000 pesos nga kompensasyon matag ektarya nga madawat, depende sa kadako sa danyos, ug gilapdon sa yuta.
