Magsugod na karong adlawa ang business permit renewal alang sa tuig 2025 sa mga patigayon kon mga negusyante sa syudad.
Sumala pa ni Maribel Paguican, Head of the City Business Bureau nga abli na sab nga modawat sa mga aplikasyon ug renewal ang mga one-stop shop gikan Lunes hangtod Sabado, alas 8:00 sa buntag hangtod alas 5:00 sa hapon.
Mamahimo kining iproseso sa Sangguniang Panlungsod building alang sa Poblacion District; Almendras gym alang sa Talomo ug Agdao Districts; Gaisano Grand Citigate mall sa Buhangin District;Calinan gym sa Calinan district; ug sa district treasury offices sa Baguio, Marilog, Tugbok, Toril, Bunawan, ug Paquibato.
Abli ang mga one-stop shop samang oras sa Enero 26, adlawng Dominggo.
Alang sa deadline karong Enero 31, abli ang SP building ug Almendras gym alas 8 sa buntag hangtod alas 10 sa gabii; Gaisano grand citigate mall alas 8 sa buntag hangtod alas 8 sa gabii.
Samatang ang Calinan gym ug Bunawan, Toril, ug Tugbok district treasurer’s office abli alas 8 sa buntag hangtod alas 7 sa gabii; ug ang Paquibato, Marilog, ug Baguio District treasury offices abli alas 8 sa buntag hangtod alas 5 sa hapon.
Dugang pa ni Maribel Paguican gawas pa sa one-stop shops, mamahimo sab kining iproseso sa online renewal/ website nga .davaocity.gov.ph
