Andam na ang Davao City Overland Transport Terminal kon DCOTT alang sa pagdagsa sa mga pasahero alang sa holy week sunod semana.
Sumala pa ni DCOTT Manager Aisa Usop, gipakusgan na nila ang seguridad sa terminal, sa pakig-alayon sa Task Force Davao, Davao City Police Office, Ug Public Safety and Security Office.
Dugang pa ni Usop nga ang DCOTT duna nay 32 ka cctv cameras, usa ka in-house K9 unit, ug duha ka bag-ong x-ray machines nga bag-ohay lamang gipalit sa lokal nga panggamhanan.
Nagpahimangno sab si Usop sa mga pasahero nga motuman sa ilang mga palisiya sama sa pag-agi sa walk-through scanners human sa pagbutang sa ilang mga bagahe sa x-ray machine. Kini aron malikayan ang mga isyu sa mga mawala nga bagahe.
Nanawagan usab si Aisa Usop sa kooperasyon sa publiko aron masiguro ang hapsay nga pagbiyahe karong panahon sa kuwaresma.
Sa laing bahin, ginatun-an karon ni sa Davao City City Overland Transport Terminal kon DCOTT ang sugyot nga magtukod og tulo ka dug-kung bus terminal dinhi sa syudad.
Sumala pa ni ni DCOTT Manager Aisa Usop ginaplastar na sa technical working group sa Davao bus project ang pagtukod og terminal sa Toril, Calinan, ug Bunawan area.
Dugang pa sa DCOTT nga makatabang sumala pa sa pagpaluag sa DCOTT ang pag-abli sa mga dugang nga bus terminal labi na sa problema sa traffic duol sa Bus terminal.
Miangkon sab si usop nga karaan ug lapas na sa kapasidad ang 1.7 ka ektaryang pasilidad sa DCOTT, ilabi na nga gitukod kini niadto pang tuig 1984.
