Makaakomodar na ang Davao City Special Needs Intervention Center for Children kon DCSNICC og lapas 300 ka mga kliyente sukad na-inagurahan niadtong Marso 21.
Sumala pa ni DCSNICC Overseer Dr. Melody Pardillo, anaa sa 200 ka mga kliyente ang midangop kanila sa unang adlaw pa lang sa ilang operasyon.
Dugang pa ni Pardillo, sa kapin 300 ka mga kliyenteng ilang naserbisyohan, kadaghanan ang may diagnosis na ug duna pay pipila nga nagapaabot niini.
adunay duha ka developmental pediatricians ang nagasilbi sa Davao City Special Needs Intervention Center for Children matag miyerkules ug biyernes, ug makaakomodar sila sa 11 ka mga bata matag semana.
Dunay pito sab ka special education teachers ang nagadumala sa group ug one-on-one sessions alang sa mga bata.
Nagahanyag ang DCSNICC og assessment, diagnosis, therapy, ug special education programs sa mga batang dunay special needs nga edad 0 hangtod 6 anyos, ug naggikan sa mga kabus nga pamilya sa Davao City.
