Nagpaguwa og abiso ang Davao Light and Power Company nga mabatian sa tanang residential customers niini ang dugang 94 centavos nga singil karong buwan sa Abril. Base sa gipaguwang customer advisory sa Davao Light, adunay mahitabong pagsaka sa singil sa kuryente gikan P8.60 per kilowatthour og karon ang mahimo na kining P9.55 /kwh.
Sumala sa DLPC, ang maong pagsaka sa singil sa kuryente ang gumikan sa taas nga presyo sa supply sa kuryente gikan sa Wholesale Electricty Spot Market diin nagakuha ang maong buhatan og parte sa power requirement niini.
Nag-awhag usab ang nahisgutang buhatan ngadto sa mga konsumante nga magtipid sa paggamit sa kuryente aron malikayan ang taas nga bill sa kuryente atol karong panahon sa ting-init.
