Gipangandaman na karon sa Davao City Overland Transport Terminal (DCOTT) ang posibling sa pag dagsa sa mga pasahero nga muoli sa ilang matagsa tagsa ka probinsya karong 2025 National and Local Elections.
Sumala pa ni Aisa Usop, ang DCOTT- Manager, nga adunay kapin 1,000 ka bus trips ang mobiyahe karong eleksyon.
Dugang pa ni Usop, kon adunay pagkulang sa mga byahe sa bus nga mo byahe sa maong adlaw, ang DCOTT management duna nay gihimo nga coordination Sa Land Transportation Franchising And Regulatory Board kon LTFRB-Xl ug alang sa special permit sa dugang bus nga mobiyahe.
Gidugang pa ni Aisa Usop nga lauman ang pag dagsa sa mga pasahero karong adlaw’ng Biyernes May 9,2025, nga muoli ngadto sa ilang lugar aron didto mobotar sa ilang mga kandidato karong Lunes adlaw sa piniliay.
