Gipangandaman na sa kapulisan sa syudad ang posibling dakong lihok protesta nga himoon sa syudad sunod semana atol sa adlawng natawhan ni kanhi President Rodrigo Duterte
Sumala pa ni Police Captain Hazel Caballero Tuazon, spokesperson sa Davao City Police, Hugot nga seguridad ang ipatuman sa kapulisan sa Davao City Police Office (DCPO) ug posibling dunay augmentation force nga deploy ang DCPO kung ugaling dunay maglusad og prayer rally karong March 28,2025 atol sa adlawng natawhan ni Former President Rodrigo Roa Duterte.
Nagpahimang na lamang ang DCPO ngadto sa mga magpahigayon og prayer rally nga sundon gihapon ang mga palisiya sa seguridad nga gipatuman ug gidili usab ang pagdala og mga bladed weapon, pointed object, backpack ug tumbler nga dili transparent ug ipadayun ang pagpatuman sa culture of security sa syudad.
