Nag-una ang Davao City sa 28 ka mga lalawigan ug unom ka highly urbanized cities sa Mindanao nga dunay labing dakong Gross Domestic product kon GDP share sa Mindanao niadtong tuig 2023.
Sumala pa ni Christian Cambaya, Unit Head of Investor Assistance & Servicing sa Davao City Investment And Promotion Center (DCIPC) nga subay sa provincial product accounts report sa Philippine statistics authority, nakatampo ang dakbayan og dul-an 533 Billion Pesos sa 3.60 Trillion Pesos nga total GDP sa Mindanao, kon sa kinatibok-an nga dul-an 15 porsyento nga share.
Gisundan ang Davao City sa Cagayan De Oro City nga may dul-an 277 billion pesos, ug sa lalawigan sa Bukidnon nga may lapas 258 billion pesos nga GDP share sa Mindanao.
Dugang pa ni Cambaya nga gawas pa niini, misaka sab ang GDP per capita sa Davao City, nga anaa na sa dul-an 271,000 pesos niadtong tuig 2023, gikan sa dul-an 259,000 Pesos niadtong tuig 2022.
Ikaduha sab ang dakbayan sa davao sa GDP growth human kini makatala og 7.5 percent.
