Nagapadayon ang Davao City engineer’s office sa pagpatuman sa ikaduhang hugna sa underground cabling project aron mapalig-on pa ang kaluwasan ug kanindot sa central business district sa syudad.
Niadtong marso 2, nakompleto na sa city engineer’s office kon CEO, Davao Light, ug mga telecommunication firm, ang clearing sa mga nagbitay nga mga kable sa bahin sa ramon magsaysay avenue nga sakop sa phase 2 sa maong proyekto.
Sumala pa ni Wires and cables focal person Estelita Labor, gisugdan ang clearing niadtong ni-adto pang Pebrero 25, kanus-a gitutokan ang pagtangtang sa mga transformer sa poste.
Nagmontar sab sila og dugang streetlights aron magpabiling hayag ang mga apektadong dapit panahon sa kagabion.
Kahinomduman nga gisugdan niadtong tuig 2018 ang underground cabling project sa dakbayan, pinasikad sa city ordinance 0177-14, nga nagtahas sa tanang mga utility firm nga wagtangon na ang ilang overhead cables.
