Mokabat sa 315 ka mga estudyante ang nahatagan og suportang pang-edukasyon sa lokal nga panggamhanan sa Dakbayan sa Davao pinaagi sa iskolar ng tribu program, nga gilusad ni kanhi Indigenous Peoples Mandatory Representative Rodolfo Mande.
Sumala pa ni kanhi Indigenous Peoples Mandatory Representative Rodolfo Mande nga nakig-alayon ang maong programa sa mga kolehiyo ug unibersidad aron maghatag og diskwento sa matrikula inay nga direktang cash assistance.
Dugang pa niini, anaa sa 100 ka mga estudyanteng ip ang nagadawat og 5,000 pesos matag semestre gikan sa education benefit system unit kon ebsu.
Nakatabang sab ang programa sa dul-an usa ka gatos nga migradwar nga iskolar nga makasulod sa mga sektor sa social sciences, agrikultura, abogasya, medikal, ug uban pa.
Samtang, mipasalig sab ang bag-ong napili nga IPMR nga si Datu Pagdatua Demetrio Bolo Sr. nga ipadayon ug palig-onon pa ang mga programa sama sa scholarship alang sa mga Indigenous people scholar sa syudad.
