Ang nag unang Isyu karon sa Davao City mao ang traffic congestion ug dunay nigawas sa survey sa Tom Tom traffic index na ang Davao city Ika 8 nga pina worst na traffic congestion sa tibuok kalibutan matud pa sa ilang gipawas na resulta.
Gipildi pa sa Davao ang Metro Manila nga nabutang lang sa Ika 14 sa ilang survey. Daghan mga Dabawenyo ang nitaas ang kilay tungod kay murag dili katuohan ang maong survey nga gipagawas tinuod naay traffic congestion ang Davao City labi na gyud ug peak hours ato gyud masaksihan ang traffic congestion sa dakbayan.
Matud pa sa Tomtom traffic index nga kada 10km nga byahe nimu sa Davao City 45 mins ang Oras nga imong magamit. Hinoon sa peak hours kung muagi ka diha sa Sasa paingun sa San Pedro. Or gikan sa Ulas paingun sa sentro sa syudad. Murag ana gyud ang oras nga pwede nimu magamit. Pero sa off peak hours murag normal naman ang dagan sa trapiko.
Bag-o lang nagpagawas ug privilege speech ang Chairman sa Committee on Transformation sa Davao City Council nga si Councilor Conde Baluran iyang gipagawas ang iyang gibati sa maong balita nga unfair ug walay basehan. Matud pa niya kung tinuod nga 45mins ang travel time nimu sa 10 km sa sentro sa syudad kung sumahon nimu sa usa ka tuig 136 hrs ang mawala sa imuha tungod lang sa trapik. Dugang pa niya nga tinuod duna kitay nasinatian nga traffic sa atong syudad tungod kay usa kita na syudad nga pinaka paspas ang pagtubo sa ekonomiya matud pa sa Phil. Statistics Authority. (PSA) matud pa sa ilang report sa (2023- 2024) sunod nga tuig ang Davao City ang pinaka paspas nga economic growth sa nasud nga dunay P1.3 trillion (gross domestic product) sa tibuok region 11 ug sobra katunga niini gikan sa syudad sa Davao.
Kung ang report sa PSA nga nag asenso ang Davao ug sukwahi sa gipagawas sa Tom Tom traffic index survey nga pinaka worst nga traffic congestion Davao kumpara sa Metro Manila. Kung ikaw usa ka investor nga multi-national company or local investor mag invest kaha sa syudad nga grabe ang traffic? Sa mga negosyante lost of time lost of profit. Kung kanunay delay imuha deliveries or transaction dili gyud ka ganahan pagpuyo or mag negosyo sa maong lugar.
Dili gyud malikayan sa syudad nga makasinati kita ug light or moderate na traffic sa rush hour or heavy traffic kung dunay road accident or road construction nga ginabuhat. Pero tawagon ang imong syudad nga worst traffic condition murag mo ulbo ang kaspa ana sa taga Davao city. Murag dunay plano nga daoton ang imahe sa Davao nga Life is Here.
Dugang pa ni Konsihal Baluran iyang gi imbita ang mga traffic enforcers ug stake holder sama sa CTTMO, LTO, LTFRB ug ang DPWH aron hisgutan ang latest ug tinuod nga traffic condition sa syudad sa Davao.
Ug hisgutan usab ang kasulbaran nga nasinatian sa syudad kabahin sa traffic congestion
Murag mao kini ang isyu sa pikas grupo nga mudagan pagka mayor sa davao. Sa atong daily program sa Energy FM Davao halos ang tanan comments sa troll farm sa social media ug text kabahin sa trapik. Murag synchronize ang ilang ataki… Sige lang kung apil man ang pulitika sa Isyu sa trapik sa syudad sa Davao. Hinaot matubag kini sa mga hintungdan.
Kas-a nato itiklop kining isyu sa trapik dapat lang atong timan-an ug atong ibutang sa atong alimpatakan nga ang gipagawas sa Tom Tom Traffic Index usa ka peke. Ang ilang gigamit nga hulagway nga kuno sa Davao City kuha sa Guadalupe Bridge sa may EDSA nga nag sumpay sa Makati City ug Mandaluyong City. Sa maong hulagway makita nga naa sa taas ang MRT railway ug ang mga electronic advertising billboards sa parte sa Mandaluyong.
Ang ako lang nga si Konsehal Baluran unta iyang gi-tutukan nga ang report sa Tom Tom base sa hulagway nga ilang gipagawas klaro nga PEKE.
Sa akong kabahin bilang magsisibya ug komentarista dili nako ma-tulon nga ang akong basehanan dili lang usa ka dakong bakak kon dili usa ka peke.
