📸 Police Regional Office 11
Mukabat sa 300 ka mga kapulisan ang giandam sa Police Regional Office (PRO) XI nga nagsilbing Special Electoral Board alang sa umaabot nga 2025 National and Local Elections.
Sumala kang PRO XI Spokesperson Police Major Catherine Dela Rey nga mikabat sa 800 ka mga kapulisan ang gibansay sa Commission on Elections aron magsilbing Electoral Board diin sa nahisgutamg ihap, 500 ka mga kapulisan ang gipadala sa Bangsamoro Autonomous Region in Muslim Mindanao samtang 300 ka mga kapulisan ang magsilbi dinhi sa Davao Region.
Dugang pa ni Major Catherine Dela Rey nga nag-deploy na usab og tag-duha ka mga pulis sa 2,936 ka polling centers kun mga eskwelahan sa Davao Region.
Samtang gi klaro sa PNP 11 nga nagpabiling anaa sa code green ang area sa Region 11 apan dili ikanaog sa kapulisan uban ang security forces ang taas nga alerto aron masegurong hapsay ug malinawon ang piniliay karong May 12.
