[Davao City] -Aprubado na 20th Davao City council ang pag-amenda sa revenue code, nga nagtangtang sa business permit requirement alang sa mga delivery rider, sa ikatulo ug ulahing pagbasa kagahapong adlawa.
Sumala ni konsehala myrna dalodo-ortiz sa committee on finance on ways and appropriations, makatabang ang pag-amenda nga mapahupay ang pinansyal nga palas-anon sa mga delivery rider samtang nagatuman gihapon sa mga lokal nga regulasyon.
Inay magbayad og 1,270 hangtod 5,200 pesos alang sa business permit, mokuha na lamang ang mga delivery rider og 125 pesos nga annual occupational permit sugod enero 2025.
Dunay ipatuman sab nga 25 porsyento nga surcharge kun di nila kini mabayran sugod pebrero 1, 2025.
Gikalipay sa united davao delivery riders association kon uddra ang nahimong lakang sa lokal nga panggamhanan, ug mapasalamaton sab sa suporta sa ilang mga kaubanan sa buhat ug sa mga kanhi ug kasamtangang konsehal sa dakbayan.
Dugay nang ginapetisyon sa mga delivery riders sa dava nga tangtangon ang pagpakuha kanila og business permit sanglit bug-at kining palas-anon ilabi na sa mga sama nilang dili dako ang kita. (James Galay)
