Nakaapod-apod na og kinatibuk-ang 1.7 Billion pesos nga hinabang ang Lingap para sa mahirap office gikan tuig 2022 hangtod tuig 2024 alang sa lapas 570,000 ka mga nanginahanglang benepisyaryo.
Migahin ang lingap para sa mahirap og 624 million Pesos niadtong tuig 2022, 547 Million Pesos niadtong tuig 2023, ug 536 Million pesos niadtong tuig 2024, alang sa medical, laboratory, ug funeral assistance.
Nagpabiling nag-unang prayoridad sa opisina ang pag-akomodar sa mga pasyenteng dunay cancer, aron masiguro nga makadawat sila og igong suporta sa ilang pagpatambal.
Kutob karong bulana, anaa sa 42 ka pribadong ospital ug tulo ka botika ang dunay akreditasyon gikan sa Lingap office.
Abli sab nga modawat og mga kliyente ang lingap satellite offices sa Calinan, Marilog, Toril, Bunawan, ug poblacion, gawas pa sa main office sa SPMC compound.
Alang sa mga dugang detalye sa mga rekisitos, mamahimong bisitahon lamang ang lingap para sa mahirap official facebook page.
