- Renewal sa lisensya ug rehistro dawaton hangtud January 24.
Gibutyag karon sa Land Transportation Office Region 11 nga naka-istasyon karong ang ilang e-patrol on wheels sa Nccc Mall Victoria Plaza parking area sugod kagahapong adlawa kutob sa Enero 24.
Sumla pa ni Yuri Lim Head sa Land Transportation Office, Regional Law Enforcement Section, usa lamang kini sa mga program sa LTO 11 nga mapaduol pa ang serbisyo sa LTO ngadto na sa komunidad, abli kini nga mag-akomodar sa mga magpa-renew sa ilang driver’s license ug motor vehicle registration gikan lunes hangtod biyernes, alas 8:00 sa buntag hangtod alas 5:00 sa hapon.
Tumong sa LTO e-patrol on wheels nga ipaduol pa ngadto sa publiko ang ilang mga ginahanyag nga serbisyo, ilabi na sa mga nanimuyo sa lagyong mga barangay.
Dugang pa ni Yuri Lim nga lauman pa nga mubisita ang LTO e-patrol wheels sa mga lagyo nga kumunidad sa syudad sama na lamang sa mga barangay sa Paquibato ug Marilog area ug uban pang mga dapit sa Davao Region.
