Nagpahimangno karon ang National Bureau of Investigation kon NBI-XI sa publiko batok sa iligal nga pagpamaligya og yuta sa syudad.
Sumala pa ni NBI-XI Regional Director Atty. Arcelito Albao, nga ubay ubay na usab ang ilang nadawat nga reklamo kabahin sa mga dili awtorisado ug lisensyado nga nagapamaligya ug yuta
Kini human nadakpan sa entrapment operation sa NBI ang duha ka babaye nga namaligya og yuta sa Toril, Davao City.
Dugang pa ni Director Albao, ang operasyon gibuhat sa usa ka mall sa Bajada base sa mga nadawat nila nga mga reklamo.
Ang modus sa mga suspek mao ang pagpangatik sa mga gustong mopalit og yuta pinaagi sa pagpanghatag og mali nga impormasyon ug pagpakita’g pekeng lisensya.
Panawagan nalamang sa NBI 11 sa publiko nga dili magpataka og palit og yuta kung walay klarong dokumento ug lisensya ang nagabaligya.
