-Padayon gihapon karun ang OSCA-Davao sa pag-validate sa mga mamahimong benepisyaryo sa expanded centenarian act dinhi sa dakbayan. Gani, kaniadto lamang milabayng adlaw, gipangunahan sa OSCA Dava ug mga partnered agency niini ang labing-unang pag pang- apod apod sa cash gift assistance dinhi sa rehiyon alang sa tanang mga benepesyaryo sa expanded centenarian act sa siyudad nga gipahigayon sa Davao City Recreation Center o Almendras Gym.
Sumala pa ni Lorenzo Borja, Head sa OSCA Davao nga anaa sa 78 ka mga benepesyaryo ang nakadawat og cash gift.
Gipasalig usab sa maong opisyal nga dili kini ang mamahimong ulahing higayon gumikan kini ang alang lamang sa unang batch busa aduna pay mga musunod niini ilabi kadtong wala pa mahuman ang validation.
Gupasalig usab sa maong opisyal nga walay angay nga ikabalaka ang mga senior nga maglisod na og salmot sa ilahang mga ipahigayong kalihokan gumikan naga balay-balay usab kini sila run nga personal nga mahatod ang maong cash gift sa mga benepisyaryo.
