📸 CIO
Nagapadayon ang pagserbisyo sa lokal nga panggamhanan sa syudad ngadto sa lapas 30,000 ka persons with disability pinaagi sa PWD affairs office kon PDAO.
Sumala ni PDAO head Atty. Redendo Martinez, padayon silang nagapagula og PWD ID, nga nagahanyag og 20 porsyentong diskwento sa mga medikal nga panginahanglan, transportasyon, ug sa mga kan-anan, pinasikad sa republic act 10754.
Dugang pa ni Martinez, duna sab silay ginahanyag nga libreng tabang ligal ug notarisasyon alang sa mga persons with disability kon PDW.
Aduna sab mga capacity-building skills training ang City Social Welfare and Development Office sa mga PWD, aron mapromotar usab ang ilang propesyonal nga pag-ugmad, ekonomikanhong partisipasyon, ug patas nga oportunidad sa pag-empleyo.
Gi-awhag sab sa opisyal ang mga establisamento nga ilhon ang mga PWD id, ingon man ang mga pribilehiyong nakalakip dinhi.
Giklaro usab ni Martinez nga walay mga insidente sa paggamit og peke nga pwd id sa dakbayan ning kasamtangan.
