Buot ipaklaro sa Police Regional Office XI nga wala gibawalan ang mga pulis nga magpadayag og ilang suporta sa kaugalingong gisuportahan nga politico labi na karong tali-abot nga election.
Sumala ni PMaj. Catherine Dela Rey, tigpamaba sa PRO XI nga bisan nga apolitical ang hanay sa kapulisan, dili nagpasabot nga wala nay katungod nga musuporta og politiko ang usa ka pulis.
Apan giklaro sa opisyal nga panahon sa pagpanarbaho, kinahanglan nga walay gidapigan o magpabilin nga neutral ilabi na sa paghatag og seguridad bisan kinsa man nga kandidato.
Mamatikdan sa social media ilabi na sa facebook, pipila ka mga miyembro sa Philippine National Police ang nagpadayag sa ilahang kasubo human ang pagka-aresto kang kanhing Pangulong Rodrigo Duterte.
