Gisugyot ni kanhi Presidente Rodrigo Duterte ang pagdugag og mga traffic personnel aron mapahupay ug mapahapsay pa ang nagkabug-at nga dagan sa trapiko sa dakbayan sa Davao.
Atol sa Basta Dabawenyo podcast christmas special episode niadtong dominggo, gikaingon ni FPRRD nga dili igo ang traffic lights lamang sa pagdumala sa trapiko, ilabi na atol sa rush hours.
Dugang pa sa kanhi presidente, gikinahanglan sab ang pagdestino sa mga personahe sa mga dalan nga sagad nang makasinati og paghuot sa mga sakyanan.
Dili na sab posible pa ang pagpalapad sa mga dalan sama sa san pedro o ang pag-demolish sa mga gambalay.
Namahayag sab ang kanhi presidente nga usa sa mga ginalantaw nga solusyon sa bug-at nga dagan sa trapiko sa davao mao ang pagtukod og satellite cities,
Sa karon, ginaduso na ni fprrd ang paghangyo sa philippine national police nga mogahin og 50 hangtod 75 ka mga personahe nga moabag sa City Transport and Traffic Management office kon cttmo alang sa pagdumala sa dagan sa trapiko ning siyudad
