Nahimong dakong Isyu ang interview sa political analyst kuno ug halata nga dilawan blogger nga si Richard Heydarian. Iyahang gi kumpara ang Mindanao ug Sub-Saharan African Level sa Human Development Index. Kay matud pa niya kasagaran sa mga supporters sa mga Duterte gikan sa pinaka pobre nga region sa southern Philippines ang Mindanao region pareha sa Sub Saharan sa Africa ug dili Pareha sa Northern Philippines nga didto siya gikan nga pareha daw sa southern Europe ang human development index.
Usa kini ka insulto sa taga Mindanao nganu nasulti kini ni Heydarian? Human sa Pag Aresto kay Tatay Digong didto sa Manila gikan sa Hongkong sa mga kapulisan nga gipangunahan ni Gen Nicolas Torre sa CIDG, nisunod dayun ang interview ni Richard Heydarian sa ka network nga nagtamay sa mga taga suporta kay Tatay nga kasagaran taga Mindanao. Nga ang human development index mura ug kapobre sa Africa!!! Na insulto ang taga Mindanao sa pamahayag ni Heydarian, nadismaya na gani ang taga Mindanao sa gibuhat sa Bangag administration sa dati nga presidente Diterte nga gi aresto nga wala ni-agi ug proseso human gidugangan pa ni Heydarian ug insulto ang iyang mga supporters. Murag maka ingun ko nga orchestrated kini nga lakang sa pikas nga kampo aron pasuyaon ug palaguton ang mga supporters ni Tatay Digong.
Human sa ilang gihimu unsa ang resulta? Nahimong trending na hinoon ang iyang birada ug gihimong contents sa mga bloggers ug content creators na taga Mindanao. Ug naulawan si Heydarian sa iyang gihimu ug halos tanan na lugar sa Mindanao nagpagawas sa ilang gibati nga kung makita nila ning tawhana ni makatilaw jud sa ilang insulto ug kapungot. Ang ubang LGU nagpagawas na ug resolution nga Persona non Grata sa Iyaha. Tagam…. Dili naka maka bisita sa Mindanao nga gi ingun nimu nga Sub Saharan Mindanao.
Sa akong panglantaw ani kung duna pa lain nga kalihokan ang mga alipores sa administration duna gyud pagbulag ang Mindanao sa Pilipinas dugay na baya nangandoy ang Mindanao ug Self Governance gi sugdan kini sa atong mga Igsoon na Muslim gusto nila ug autonomous region mao kana ang BARMM karon. Daghan pud nag duso ug federal government ilabi na sa ubang rehiyon sa Mindanao nga wala natagad sa national government.
Kung atong huna hunaon mas dako ang tabang sa Mindanao sa national government in terms sa income ug taxes kay kabalo ta nga ang Mindanao usa ka food basket ug daghan kita mga reserve na minerals ug golds nga deposits ang atong Lugar. Human mas gi develop pa nila ang imperyalistang Manila ug Luzon kay sa Mindanao. Makasuya gyud kaayo kay pati na sa atong mga Indigenous People sa Mindanao wala nila tagae ug dakong pagtagad. Mura lang man ta ug second class citizens sa taga Luzon ug kaulohan Manila…
Ayaw ninyo hulata nga mapuno ang taga Mindanao sa inyong mga walay pulos na pamahayag ug kapalpakan nga gibuhat ninyo diha sa kaulohan Kay basen sa madugay ug sa madali…. mahimo na gyud nga Republic of Sub Saharan Mindanao ug Dili na sakop sa Pilipinas.
Para sa inyong Reaksyon ug Komento text lang sa 0967- 7183397 paminawa ang Programang Serbisyong Energy Sumbongan ng Bayan sa 88.3 Energy Fm Davao Kada Adlaw 6-9 sa Buntag…
