Nagmalampuson ang gpahigayong proclamation rally sa Team Aldu ug Team Lambo Panabo Davao del Norte sa Barangay San Vicente Panabo City, Davao del Norte
Ang pinaka-unang proclamation rally gipangunahan ni Rep. Alan Dujali nga nagpapili pagka gobernador ug ang iyahang tandem pagka vice governor nga si Tete So.
Gitambongan sa liboan ka mga suporters sa Team Aldu ang maong okasyon. Gitambongan usab ang maong rally nila JM Lagdameo nga nagpapili bilang Representante sa Distrito 2 sa Davao del Norte, ug mga board members sa maong Distrito.
Ang mga nagpasiugda sa maong nag-unang proclamation rally sa Panabo City mao ang grupo nila Vice Mayor Banjong Dujali nga mikandidato pagka mayor ug ang katandem niini nga si Maui Pangisaran kauban ang mga kauban nila nga mga aspersnte sa pagka-city councilors. Lakip nitambong ang mga Barangay kapitanes ug mga opisyal lakip mga lumulupyo sa mga ka brangayan sa Panabo City.
Gipaniguro ni Alan Dujali nga iyang ipadayon ug palapdan pa ang mga proyekto nga iyang napahigayon alang sa disrito dos ug lakip na ang Distrito 1 kon ugaling hatagan sya og kahigayunan nga mosilbe bilang gobernador sa Davao del Norte. Mikabat og 633 ka mga proyektos nga gilangkuban og mga kadalanan, taytayan, eskwelahan, mga muliti-purpose buildings lakip ang fish hatcheries ang iyang napahamtang sulod sa termino diin siya nahimong Representabte sa Distrito 2. [Sammy Baug]
