- 2 arrestado
- Ting-kagol sulod sa prisuhan sa Toril Police Station ang duha ka mga lalaking nagdala og shabu pasulod sa syudad alas 2:45 sa buntag, sa TF Davao Sirawan Joint Checkpoint, Brgy. Sirawan, Toril District.
Ang mga dinakpan nailhang silas Invinzor 45-anyos, driver sa kotse nga color gray, taga Barangay Catalunan Grande ug ang kauban niini nga si alyas Kristopher 42-anyos nga taga Ecoland.
Subay sa report sa Toril Police station, pag-abot sa inspection area nakita sa personahe sa TF Davao ang usa ka pakete sa gituohang shabu nga anaa sa salog sa sakyanan.
Sa dihang gipangutan og may lain pa siyang dala, boluntaryong giablihan ni alyas Kristopher ang usa ka Glove Box Compartment ug didto nakita ang lain pang mga sachet sa gituohang shabu.
Usa ka dakong pakete, duha ka medium size ug 5 ka mga small size.
Mukantidad og P818,720 ang mga nakumpiskang shabu.
Mga suspek pasakaan og kasong paglapas sa RA 9165 Comprehensive Dangerous Drugs Act of 2002.
