Padayong gina-imbestigahan karun sa National Bureau of Investigation XI ang mga natala niining late registered birth certificates dinhi sa Davao Region. Sumala pa ni Atty. Arcelito Albao, Regional Head sa NBI-XI nga gawas sa Sta Cruz, Davao Del Sur aduna pa usab kini silay natalang kaduda-dudahang pagrehistro sa mga birth certificates.
Dugang pa sa maong opisyal nga ning kasamtangan miabot na sa 1576 o dul-an 1600 ka mga late registered birth certificates ang naimbestigahan ug gina-imbestigahan sa ilahang buhatan. Busa, padayon karun ang backtracking sa maong ahensya sukad pa kaniadtong tuig 2016 para masigurong matubag ang mga kwestiyonableng birth certificates.
Ning kasamtangan, padayon kining ginatutukan sa buhatan lakip na amg pakogtambayayong sa uban pang mga ahensya sa pagsigurong walay nakalusot nga iligal nga mga dokumento dinhi sa rehiyon.
