Gipahimangnoan karon sa local nga pang-gamhanan sa syudad ang publiko nga bawal ang paghatag og limos sa mga indibidwal o bata nga mang-limos sa mga kadalanan, sulod sa mga establisyemento, o sulod sa pampublikong mga sakyanan.
Sumala pa ni Gilda D.Salvaña acting OIC, sa City Social Welfare and Development Office kon CSWDO,nga ang maong kamanduan naka base kini sa Anti-Mendicancy Law nga nagtumong sa pagprotekta sa mga bata batok sa pagpang-abuso ug paglikay sa aksidente sa kadalanan.
Ang nasudnong balaud naglatid nga ang mga masakpan nga mamalimos mahimong makamulta og Php 1,000 o prisohon sulod sa dili molapas upat ka tuig.
Lakip usab nga dunay legal nga tulubagon ang mga ginikanan nga mogamit sa ilang mga anak sa pagpanglimos, samtang ang mga mohatag og limos mahimo usab nga makamulta.
Panawagan na lamang sa CSWDO sa tanan nga dili mohatag sa mga naga panglimos aron malikayan ang peligro sa dalan ug masiguro ang kaluwasan sa publiko.
