Padayon ang paghatod og serbisyo sa Sidlakan Women’s Crisis Center ubos sa City Social Welfare and Development Office kon CSWDO alang sa mga babaye ug batang biktima sa pagpang-abuso sulod na sa 16 ka tuig sukad Agosto 14, 2008.
Sumala ni Rosabelle Diacamus sa Sidlakan Women’s Crisis Center , nakaakomodar sila og 33 ka mga kliyente niadtong milabay nga tuig.
Ning kasamtangan, adunay 14 ka mga bata ang nanimuyo sa maong center, ug nagatuon ubos sa Alternative Learning System kon Als.
Mamahimong manimuyo ang mga residente sa center kutob sa unom ka bulan, ug mapalugwayan pa, depende kun luwas o dili ang ilang pagpauli sa ilang mga panimalay.
Nagahanyag usab og mga serbisyo ang Sidlakan center sama sa kapahulayan, pagkaon, sinina, konsultasyong ligal, skills training, ug psycho social intervention sa mga biktima sa pagpanga-buso.
