Si Donald Trump nagsulti nga ang China dili kalaban ug gi imbita si Xi Jinping sa iyang paglingkod ug balik isip Pangulo sa Amerika.
Murag maka-olulaw ug kataw-anan karon Si Pangulong Bongbong Marcos kay wala siya giapil ug imbita sa inugurasyon ni Donald Trump. Pero Si Xi Jinping nga Presidente sa China apil sa mga pinili na world leaders nga imbitado.
Unsa man ang buot pasabot niini?
Sa kinatibuk-an may kabahin kini sa posisyon ni PBBM sa mata Sa Estados Unidos ilalom sa bag-ong napili na Pangulong Donald Trump. Dili na si Marcos ang poster boy Sa Amerika.. and iyang paningkamot nga kalabanon ang China sa gira diha Sa South China Sea nawad an ug bili.
Ang Pilipinas karon naa sa alanganin nga sitwasyon.Ang patakaran sa panggawas ni Donald Trump mao ang pakipag amigo sa China ug sakto lang kini tungod kay walay nasud nga mo uswag kung wala kay nindot na relasyon sa negosyo sa China nga nag-una sa pagbuhat ug mga bag-ong teknolohiya. Ang China karon mao Ang sentro sa manufacture ug teknolohiya sa tibuok kalibutan. Ang China usab maoy pinakadako nga “consumer market” sa tibuok kalibutan. Si Trump sayud niana pero si BBM nagpaka-buta-bungol o tinuod lang siguro nga buta ug bungol kini.
Dili tama ang Pilipinas sa giputol nato Ang relasyon Sa China. Mali na stratehiya na sunugon o undangon Sa Pilipinas Ang tulay nato Sa China, Ang nasud maulahi kung dili nato ayuson ug ibalik ang relasyon sa China tanan na mga nasud nga apil sa G20 puro amego sa China kabalo sila sa benipisyo kung sila amego ug dunay relasyon sa China . Ang Pilipinas ilawum ni PBBM ang nisupak Sa China.
Kung atong tan-awon ang epekto karon sa industriya sa Real Estate sa nasud dako kaayo ang epekto sa dihang gipalayas ug gihadlok ni PBBM ang mga negosyante nga taga mainland China, Ang industriya sa Turismo nilagapak sa dihang wala tagae ug Visa ang kapin 2 milyong na turista Sa Mainland China, pati ang industriya sa pag export nalugi sa dihang gibawasan sa China ang quota sa pagpalit ug Saging, Pinya ug uban pang mga prutas na gikan sa nasud
Nganu Kaha?
Gi-ilad ni PBBM ang katawhan PIlipino sa iyang kagustuhan nga mabalik ang mga tinanong bulawan ug uban pang “hidden wealth” sa pamilyang Marcos. Gisugal niya Ang tibuok nasud nga dunay popolasyon nga 120 milyong Pilipino aron mahimong proxy sa Estados Unidos sa kampanya niini laban sa China ug gitugutan nga magbutang ug mga base-militar ug missiles sa US sa walay basihanan nga kahadlok nga sakupon sa China.
Unya karon si Donald Trump na ang Pangulo sa Estadoa Unidos unsa naman ang kaugmaon sa PILIPINAS!!!
Ang China ang pinaka datu nga nasud sa tibuok kalibutan karon. Hawak nila ang kadaghanan nga mga bag-ong teknolohiya nga kinahanglan Sa kalibutan. Abli pud ang China na mahimong kusog na kasosyo sa negosyo sa mga nasud nga gusto makipag relasyon sa ilaha. Daghan sad ang ilang gina invest sa mga nasud nga amego nila pinaagi sa pagtukod ug mga Tulay, Tunnel, High Speed Train, ug mga Pantalan. Kadaghanan sa mga nasud diri sa Asya naka benipisyo niini gikan Sa Grant Sa China.
Sa panahon ni PRRD Ang PILIPINAS makadawat ug tabang gikan sa China -mga tulay, pantalan, Bus Rapid Transit, ug High Speed Train na ginaaprobahan ug naa na sa proseso ug implementasyon pero sa dihang Si PBBM na Ang Presidente giundang ang kadaghanan nga mga proyekto nga gikan sa China. Ang iyang gihimo mao ang pagtugot sa Amerika nga mag butang ug mga base-militar nga naglangkub sa US-EDCA nganhi sa Pilipinas nga walay bayad ug renta.
Karon klaro kaayo na wow Mali Si PBBM. Ang kabayo nga iyang gisakyan nga Estados Unidos ni dikit naman Sa China. Pinaagi Sa pag imbita ni Xi Jinping sa White House murag nahulog sa alanganin karon ang sitwasyon sa Pilipinas sa ilawom sa administrasyon ni PBBM.
Dunay bag-ong nigawas nga balita nga ang kanhi Pres. Rodrigo Duterte ug VP Inday Sara apil daw nga gi-imbitahan sa White House para Sa Inugurasyon ni Pres. Donald Trump. Og tinuod ning hungihong, usa ka sagpa sa nawong ni BBM ang ma-ong panghitabo.
Karon semana dunay mga peace rallies ang Iglesia ni Cristo sa tibuok Pilipinas batok sa mga hiwi ug mali nga ginahimo sa administrasyon ni PBBM.
Atong hulatan ang mga sumo-sunod pa nga mahitabo sa atong nasud ug sa administrasyon ni PBBM. Abangan!!!
