📸 CIO
Milingkod na isip bag-ong Indigenous Peoples Mandatory representative kon IPMR ning dakbayan si Datu Pagdatua Demetrio Bolo Sr. gikan sa tribong Bagobo-Klata.
Mihulip siya kang Datu Rodolfo Mande gikan sa tribong matigsalug, human nga natapos ang iyang tulo ka tuig nga termino karong bulana.
Nanumpa na sab si Datu Pagdatua ngadto sa national commission on indigenous peoples kon NCIP niadtong Biyernes, Marso 21.
Gibutyag sa bag-ong IPMR nga laraw niyang tutokan ang panginahanglan sa mga tribo, partikularmente ang pagpondo sa mga tribohanong instrumento ug sinina.
Mipasalig sab siya nga ipadayon ang mga programang gilusad ni Mande, sama sa iskolar ng tribu program.
Ang pagpili sa Indigenous Peoples Mandatory representative kon IPMR isip IP representative sa Davao City Council nagatuyok sa 11 ka mga tribo aron masiguro ang patas nga representasyon sa sektor sa mga tribohanong katilingban ning syudad.
