Andam na ang Bureau of Fire Protection-Davao City Fire District alang sa kasaulogan sa Fire Prevention Month karong bulan sa Marso.
Sumala pa ni BFP- Davao City Fire District public information unit chief, Fire Senior Inspector Frances Marie Sendrijas, magsugod ang kasaulogan pinaagi sa usa ka motorcade gikan sa ilang opisina paingon sa ROTC field sa University of Mindanao-Matina campus, ug sundan sa pass-in-review drill sa mga nagkadaiyang contingent sa BFP Davao region.
Dugang pa sa BFP Davao sa March 4, dunay pagahimoon nga usa ka high-density fire drill nga ipahigayon sa Sm City Davao sa Ecoland ug sa Sm Lanang Premier.
Duna usab ipahigayon nga fire square roadshow sa Sm City Davao karong Marso 15 ug 16, ug sa Ayala Malls Abreeza sa Marso 29 ug30.
Duna sab fire olympics karong Marso 22 ug 23 sa San Pedro square, nga salmutan sa mga barangay responder, mga fire volunteers ug mga personahe gikan sa Davao City Disaster Risk Reduction and Management Office.
Nanawagan usab si Sendrijas sa publiko nga mosalmot sa Oplan Ligtas na Pamayanan program sa BFP, ilabi na nga dunay pagsaka sa mga insidente sa sunog sa syudad sa unang duha ka bulan lamang ning tuiga.
