Gideklara nga overall champion ang Team Davao City o mas nailang Davao Durians atol sa Davao Regional Athletic Association (DAVRAA) Meet nga gilusad sa Davao del Norte Sports and Complex, Tagum City, kaniadtong Marso 10 hangtod 15, 2025.
Subay sa talaan sa Department of Education (DepEd-XI), anaa sa kinatibuk-ang 197 gold, 102 silver, ug 87 bronze medals ang nasakmit sa Davao Durians nga nagpakita lamang sa ilang kahanas, abilidad, ug determinasyon sa hisgutanang sports.
Gisundan usab kini sa Davao del Norte nga giilang 2nd place, Tagum City isip third place, Davao de Oro isip 4th place, ug Digos City nga giilang 5th place.
Subay niini, nagpadayag og dakong pasalamat si Allan Farnazo, Regional Director sa DepEd XI alang sa usa ka successful nga event pinaagi na usab sa tabang sa mga magtutudlo, tulunghaan, ug ginikanan nga adunay dakong papel sa paglambo sa abilidad sa mga kabataan.
