Personal nga nitahan sa iyang kaugalingon na sa Davao City Transport and Traffic Management Office kon CTTMO ang nag viral nga drayber nga nisuway og bangga sa usa ka traffic enforcer human nga wala kini ni hunong tungod sa traffic violation.
Sumala pa ni Ret Col Dionisio Abude, hepe sa Davao CTTMO, personal nga miatubang ang drayber nga gi nganlan nga si alyas “Manuel”, 42 anyos,ug gilayon nga gipahigayon ang usa ka case conference kauban ang mga representante sa LTO, kapolisan ug City Information Office.
Base sa imbestigasyon sa CTTMO, unang gi-flagged down ang sakyanan sa drayber human nga mi-counter flow ug mi-shortcut sa gasoline station sa dalang Torres, apan wala kini mihunong hinungdan nga gi-gukod sa enforcer gamit ang motor.
Wala gihapon kini mituman sa awtoridad ug gisulayan og bangga ang traffic enforcer.
Dugang pa ni Abude, gi-rason lamang sa driver nga nisaka ang iyang blood pressure sa maong higayon ug wala matod pa kini intensiyon nga manakit sa enforcer.
Apan, alang kang Col Abude sa CTTMO, kung wala kini intensiyon nga manakit, kinahanglan sa una pa lang, nihunong na ang driver.
Sa karon, gina-andam na sa CTTMO ang pagpasaka og mga kaso batok sa maong driver.
