Gipaniguro karun sa Davao City Engineers Office ang padayon niining pagmugnag mga lakang paritkular na mga infrastructural projects sama na lamang sa road projects, highways, tulay, mga irigasyon, kanal, laterals, buildings ug uban pa alang karung tuiga.
Gipasundayag usab ni CEO head Engr. Joseph Dominic Felizarta nga sulod lamang usab sa 4 ka tuig nakahuman na kini sila og 740 ka mga infra projects pinaagi na usab sa suporta gikan sa lokal nga panggamhanan sa Davao.
Dugang pa niini nga sa maong ihap 150 niini ang nahuman kaniadtong tuig 2020, 162 sa tuig 2021, 125 sa 2022, 146 sa 2023 ug 157 sa 2024. Nagpakita lamang kini sa walay puas nga pagpaningkamot sa LGU-Davao sa pagtubag sa mga problema nga sagad masinatian sa mga Dabawenyos.
Ning kasamtangan, ginatutukan usab karun sa ilahang buhatan ang pag-develop sa mga importanteng facilities sa siyudad sama na lamang sa bag-ong expansion project sa sanitary landfill.
