Maayong adlaw natong Tanan Sa atong Bag-ong Kulom karon na mabasa Sa Mindanao Journal. Usa ka prebilihiyo na mapasibaw ang atong panlantaw or opinion sa mga panghitabo sa palibot ug mga Isyu na mahitabo sa atong lugar o nasud
Isip usa ka magsisibya halos kada adlaw naka tutok ta sa mga lab-as na mga balita ug panghitabo sa atong palibot. Labi na gyud ug kini dunay kalabotan sa atong pag adlaw adlaw na kinabuhi.
Sa panghitabo karon sa atong Gobyerno na wala na nagkadima-o ang padagan sa gobyerno labi na sa pagsulbad sa problima sa mga kalaminad ug mga bagyo sa atong nasud. Kabalo kita nga agianan ug bagyo ang atong nasud kada tuig halos 20-25 ka mga bagyo ang muagi Sa atong Nasud. Hinoon gigahinan ug pundo ang Flood Control Project sa atong gobyerno ug gipanghambog pa ni Presidente Bong Marcos nga 5,500 nga mga flood control projects ang nabuhat na sa tibook nasud nga Gi pondohan og ₱1.3-trilyones!!!.
APAN sa dihang nag sunod sunod ang pagbagyo sa Luzon nasuta nga walay epekto ug wala nakatabang ang gihimo nga Flood Control Projects sa atong Gobyerno. Ang hinungdan kay morag usa ra ang nahimo unya naguba pa gyud sa dihan Gi banggaan og bangka ang dam.
Ang naka pait pa gyud sa dihang niabot ang mga bagyo wala napahimutang daan ang mga tabang nga dapat na andam na kung muabot ang kalamidad. Ang mga Programa Sa DSWD nga AICS AKAP ug uban pa. Na tingala ang uban nganu daw nga ang Mindanao wala man kaayo na apektuhan sa bagyo diri man hinoon nagbaha Ang mga AYUDA… Mao ng daghan natingala unsa man gyud diay gamit anang AYUDA para sa mga taong nagkinahanglan nga naa sa kalamidad ug emergency or para unya sa umaabot nga Eleksyon sa 2025…. Nangutana lang ko???
Hinaut nga kung duna may Programa Sa Gobyerno para sa katawhan hinaot mapa adto gyud sa mga saktong tao makadawat sa hinabang. Ug duna man proyekto ang Goberno nga nakatabang sa mga kalamidad hinaot nga na implement gyud ug tarong ug dili DRAWING lang. Ang migawas kay ang gipasi-atab ni Marcos nga 5,500 nga mga flood control projects, ang 5,499 mga ghost projects. Ang nag-inusara kay guba pa gyud. Gi-unsa man pag-gasto ang ₱1.3-trilyones nga gikan sa panudlanan sa gobyerno?
Hangtud sa sunod nga hisgutanan diri sa atoang kulom nga “KUNG AKO ANG PASULTION”….
