Malipayong gibutyag ni Davao City Overland Transport Terminal Manager Aisa Usop nga milapas na sila sa ilang gi target nga 38 Million pesos nga kita karong tuiga.
Sumala pa ni Aisa Usop nga sa ilang datos niadtong Nobyembre, anaa na sa lapas 48 Million pesos ang kita sa DCOTT ug ginalauman sab ni Usop nga madugangan pa kini karong haduol na ang pasko ug bag-ong tuig.
Gibanabanaan sab sa opisyal nga moabot ngadto sa lapas 50 million pesos ang kita sa dcott sa pagtapos ning tuiga.
Samtang, padayon usab ang mga pagpangandam sa DCOTT sa dagsa sa mga pasahero sa mga mosunod nga adlaw.
Mihimug-at si Usop nga gikinahanglan ang kooperasyon tali bus operators ug mga hingtungdang ahensya aron mapasalig ang hapsay ug seguradong operasyon sa DCOTT karong holiday rush. (Photo courtesy: CIO)
