Gi-paniguro karon sa Department of Education (DEPED-XI) nga pormal ng mag-abli ang school year 2025-2026 karong June 16, 2025 ug subay sa ilang school calendar mahuman ang klase sa Marso 31 sunod tuig.
Sumala ni Jenielito Dodong Atillo, spokesperson sa DepEd-XI, mokabat sa kapin 1.3 milyon ka estudyante sa rehiyon onse ang gilaumang mag-enroll karong pag-abli sa klase.
Dugang ni Atillo, target sa DepEd nga adunay 739,757 ka estudyante sa elementary school, 399,769 sa Junior high school, apan wala pay datus sa pagkakaron ang Deped 11 office kung pila ka estudyante sa senior high School. Giseguro usab ni Atillo, adunay igo nga pasilidad ang mga pang publikong tulonhaan alang sa school year 2025-2026.
