Daku kaayo ang gilamang ni VP Inday Sara Z. Duterte-Carpio sa pinakaulahing survey nga gihimo sa WR Numero Research.
Ang maong survey nagtumbok sa mas nauyonan nga piliong presidente sa 2028 elections gikan sa 1,225 ka mga respondents nga mga hamtung na ug pangidaron.
Makita sa resulta sa maong survey ang TOP 4 nga sila si:
VP Sara Duterte – 42.4%
Mayor Leni Robredo – 15.9%
Mayor Baste Duterte – 6.9%
Sen. Raffy Tulfo – 6.7%
Sa maong resulta sa survey klaro ang labihang kadaku nga lamang sa bise presidente ug tungod niini daghan ang nagdahum nga kung dili ma-impeach si Sara siguradong daugon na niya ang 2028 presidential election.
Tungod niini nga survey angayang ikonsidera ang pipila ka mga punto para sa 2028 presidential elections.
EPEKTO SA IMPEACHMENT TRIAL
Imbis na mosadsad sa mga survey ang bise presidente nikusog naman hinuon ug samut sa pulso sa katawhan. Daghan ang nagtoo nga madaut na gyud si Sara sa publiko kung mogawas na ang mga ebidensya sa Impeachment Case hearing didto sa Senate Impeachment Court apan baliktad ang nahitabo. Hinuon wala pa man maapil ang sektor sa kabatan-onan ilabina sa Academic sector.
PAGPATAWAG KANG MAYOR BASTE SA SENATE IMPEACHMENT COURT
Bisan sa Davao City daghan ang nagtambag sa kampo ni Duterte nga kung mahimo dili pasiputon ang batan-ong Mayor sa dakbayan didto sa Impeachment trial kay basin kuno ug mapriso kini tungod sa contempt kung inkaso ug masayop kini ug tubag. Apan sukwahi gihapon ang resulta tungod gipakita ni Baste ang iyang taas nga kumpyansa ug kampante nga pagtubag sa mga pangutana kaniya sa mga abugado sa prosecution panel. Resulta, mas daghan ang nibilib sa Mayor ug mas nisikat pa hinuon kini ug nakakuha ug 6.9% sa survey rating nga nagbutang kaniya sa ikatulo nga pwesto.
IMBESTIGASYON SA MGA DAGKUNG PROPIDAD NI VP SARA
Bag-ohay lang gipagawas ni NBI Director Atty Melvin Matibag ang exposé niini mahitungod sa multi-million nga, matud pa, world-class mountain resort sa magtiayong VP Sara ug Atty. Carpio sa Catigan, Toril, Davao City. Una pa niini, gibutyag na usab sa Impeachment trial ang mga wala gideklara nga katiguyanan ug bahandi nila VP Sara ug bana niini nga si Atty. Mans Carpio. Expected na sa mga nag obserba sa impeachment hearings nga mokanaug ang rating sa Bise. Apan sa 42% nga grado ni Duterte daw mabalaka na ang mga interesado sa pwesto ni PBBM sa sunod nga election.
Suma-total daw wala natandug ang popularity ni VP Sara Duterte…natabangan pa hinuon nga malakip ang iyang manghud nga si Davao City Mayor Baste Duterte sa mga ikonsidera sa katawhan kung matanggal ang bise sa pwesto kung ma-convicted kini sa Senate Impeachment Court.
Ang tinuod nga isyu karon: “tama ba ang mga lakang nga ginahimo sa prosecution nga pag guba sa bise presidente?” Tama ba ang mga isyu nga ginapakatag batok sa mga Duterte? Atong sundan ang mga balita ug hisgutanan sa mosunod nga mga higayon.
