Ginaawhag karon sa Department of Trade and Industry Davao (DTI) ang mga micro, small, and medium enterprise (MSMES) sa dakbayan sa Davao nga mosalmot sa shop and ship caravan karong Abril 22.
Pinaagi sa pakig-alayon sa Dti ngadto sa Pldt Enterprise, Smart Communications, J&T Express, ug tiktok shop, maghatag ang maong aktibidad og oportunidad sa mga negosyante nga maglusad og ilang tiktok shop sa sayon ug epektibong pamaagi.
Aduna sab on-site registration, paggiya sa mga eksperto, ug pagbansay mahitungod sa artificial intelligence kon ai, cybersecurity, ug mga labing maayong sumbanan sa online selling.
Mamahimong makarehistro ang mga interesadong msme pinaagi sa qr code o link nga nakamantala sa opisyal nga facebook page sa DTI-Davao City.
