Karon Midterm Eleksyon daghan napud ang mga nanggawas nga mga eleksyon survey sa mga kandidato nga mudagan sa national ug local nga election. Kung atong tan awun ang mga ilado nga survey firm sa nasud nga nagahimo ug survey kada eleksyon Sama sa SWS, PULSE ASIA, OCTA RESEARCH, PUBLICUS ASIA,TANGERE ug uban pa gawas sa mga dagkong radio ug tv newspaper network nga Naga himo ug survey kada election.
Kung atong tukion ngano man nagkahilanglan man ug survey ang mga kandidato kada muabot ang election aron makabalo sila kung unsay pulso sa katawhan sa ilang pagdagan sa maong position ug pwede pud natong masulti nga usa kini ka MIND CONDITIONING sa mga botante nga Mao kini sila ang mga kandidato nga posible mudaog sa umaabot nga eleksyon.
Bisan ako naka pangutana nganu sa ginabuhat nga survey sa election sa mga survey firm ang ilang eh survey sa tibuok nasud 1200 – 2000 ka mga respondents man lang ang mag represent sa kinatibuk an nga botante sa Pilipinas? Usahay makaingun kita nga katuohan Dili ang resulta. Pero kung atong subayon pud ang mga resulta sa legit nga survey firm halos 80% ang mosulod sa ilahang listahan nga Mudaog inig human sa election.
Pero dinhi sa Davao City dunay bag o napud nigawas nga Survey sa mudagan ug Mayor dunay WARNING ang Philippine Research and Marketing Association Inc. (PRAMA) ang operasyon sa usa ka peke nga survey group nga Social Pulse Philippines, nga kasamtangan karong gina-imbestigahan tungod sa pagpangilad niini sa mga pulitiko ug publiko pinaagi sa mga peke nga survey results alang sa umaabot nga eleksyon.
Sumala ni Anton Salvador, representante sa PRAMA, nagpaila ang maong grupo isip lehitimo nga survey firm ug gigamit ang social media aron impluwensyahan ang opinyon sa publiko. Apan nabulgar ang ilahang pagpangatik dihang nahibaw-an nga wala silay rehistrado nga negosyo ug ang ilahang Facebook page gihimo niadto lang Enero 2025— usa ka klaro nga indikasyon sa ilahang kadudahan nga operasyon.
Atol sa halawom nga pagduki-duki, nasayran nga walay opisina ang Social Pulse Philippines sa Eco Tower, 32nd Avenue, Fort Bonifacio, BGC, Taguig City, bisan pa og miingon sila nga mao kini ang ilahang opisyal nga address. Gawas pa niini, natultolan pud sa mga imbestigador nga dunay kalabutan ang maong grupo ngadto sa usa ka kadudahan nga opisina, ang Hyphothesis Philippines, nga kaniadto naga-operate sa Cavite City gamit ang susamang modus aron ilaron ang mga kandidato ug botante sa panahon sa eleksyon.
“Usa ka klaro nga kaso kini sa pagpangilad sa mga botante,” sumala ni Salvador. “Nagpaka-aron-ingnon sila nga mga eksperto sa survey, nagapa gawas sila og gi-doktor nga resulta, ug naghimo sila og ilusyon nga suporta gikan sa publiko—usa kaestratehiya aron tikasan ang mga botante ug kandidato sa umaabot nga piniliay sa 2025.”
Giawhag sa PRAMA ang Commission on Elections (COMELEC) sa pangunguna ni Chairman George Garcia, apil pud ang na rmga awtoridad, nga gukdon dayun ug papanubagon ang mga nagpaluyo sa maong mga peke nga survey operations.
Gihatagan og gimbug-aton ni Salvador nga delikado ang pagpapakatag sa mga peke ug minanipulado nga datos sa social media, ilabi na sa panahon nga taas ang tensyon sa pulitika.
“Walay rehistrado nga statistician, walay opisyal nga tigpamaba ug walay sako nga metodolohiya—kining tanan pamatuod nga peke ang ilahang survey,” sumala ni Salvador. “ Kung ang ingon aning klase sa pagpangilad ang mokatag sa social media, dili lang kay ginatuis niini ang opinyon sa publiko apan ginasupak niini ang integridad sa atong demokratikong proseso.”
Samtang nagkaduol na ang Eleksyon 2025, gipakusgan ang paningkamot sa mga awtoridad nga mapitol ang mga mangingilad nga grupo nga ginagamit ang social media aron impluwensyahan ug ilaron ang publiko. Taliwala sa padayung imbestigasyon, gi klaro sa PRAMA nga dili sila mound ang aron pagbulgar ug pagbungkag sa mga peke nga survey firm nga buot gubaon ang tinuod nga tingog sa katawhang Pilipino.
KARONG bag-o lang, ang Social Pulse Philippines mipagula ug usa ka survey results diin makita nga si Karlo Nograles maoy nag-una sa score nga 43% samtang si kanhi Presidente Rodrigo Duterte 38% ug si Bishop Rod Cubos 15%. Ang maong kwestionabli nga resulta maoy ginapanghambog karon sa mga propagandista ni Nograles..
Mahinumduman nga sa miaging Enero man siguro to, mipagawas usab ang kampo ni Karlo Nograles og usa ka peke nga resulta sa survey gamit ang OCTA Reseach diin ilang gipagawas nga si
Nograles naka kuha og 71% samtang si Duterte ni-score lamang og 29%. Sa naasoy nga survey si Al-ag kay 80% batok kang Baste Duterte nga naka kuha lamang og 20 percentage points.
Subay sa maong resulta nagwarning ang Presidente sa Octa Research nga si Ranjit Rye, nga ang maong survey ug ang resulta nga gipublikar sa mga propagandista usa ka dakong peke ug dili dapat katouhan.
