Dunay ipangmontar nga one-stop shops ang Business Bureau ug City Treasurer’s Office sa nagkadaiyang administrative districts lukop dakbayan alang sa mas paspas nga pagproseso sa business permit renewal.
Gitagana ang sangguniang panlungsod building alang sa poblacion district; almendras gym alang sa Talomo ug Agdao Districts; Gaisano Grand Citigate mall sa Buhangin District; ug Calinan gym sa Calinan District.
Alang sa Baguio, Marilog, Tugbok, Toril, Bunawan, ug Paquibato, magsilbing one-stop shop ang ilang tagsa-tagsang District treasury offices.
Abli ang mga one-stop shop lunes hangtod sabado, alas 8 sa buntag hangtod alas 5 sa hapon, ug samang oras sa Enero 26.
Alang sa deadline karong Enero 31, abli ang SP building ug Almendras gym alas 8 sa buntag hangtod alas 10 sa gabii; Gaisano Grand Citigate Mall alas 8 sa buntag hangtod alas 8 sa gabii.
Ang Calinan gym ug Bunawan, Toril, ug Tugbok district treasurer’s office abli alas 8 sa buntag hangtod alas 7 sa gabii; ug ang Paquibato, Marilog, ug Baguio District treasury offices abli alas 8 sa buntag hangtod alas 5 sa hapon.
gawas pa sa one-stop shops, mamahimo sab kining iproseso sa website nga appbts.davaocity.gov.ph
