Gibutyag karon sa Police Regional Office (PRO) XI nga miabot na sa 120 ka assorted firearms ang nasakmit sa Davao Region gikan sa mga operasyon sa kapulisan nga nakasupak sa Commission on Elections (COMELEC) Gun Ban.
Sumala pa ni PMAJ Catherine Dela Rey ang maong mga armas nakuha pinaagi sa police operations, checkpoints, police response ug buy-bust operations isip kabahin sa hugot nga pagpapatuman sa Comelec gun ban nga nagsugod niadtong Enero 12, 2025.
Gipahimang-noan karon sa PRO XI ang katawhan nga padayon ang ilang kampanya batok sa mga milapas sa gun ban aron masiguro ang kalinaw ug kahapsay sa tibook region 11, ilabi na nga nagkadool na ang eleksyon. Matod sa kapulisan, ginasiguro nila nga walay matalang insidente hangtod matapos ang piniliay.
